Servet Günerigök
13 Maj 2020•Përditësim: 13 Maj 2020
Komuniteti hebre në SHBA ka përjetuar nivele të larta të antisemitizmit gjatë vitit 2019, njoftoi të martën Lidhja Anti-Shpifje (ADL), transmeton Anadolu Agency (AA).
ADL numëroi 2.107 incidente antisemitike vitin e kaluar, një rritje prej 12 për qind nga 1.879 të regjistruar në vitin 2018.
Auditimi ADL i Incidenteve Antisemitike zbuloi se mesatarisht ka pasur nga gjashtë incidente të tilla në vend për çdo ditë brenda vitit kalendarik. Shifrat e vitit të kaluar kanë qenë më të lartat në mbi katër dekada.
Auditimi i kategorizon të gjitha incidentet si ngacmimi, vandalizëm dhe sulmi.
Hebrenjtë u përballën me 1.127 incidente ngacmimi vitin e kaluar, me një rritje prej 6 për qind nga 1.066 në vitin 2018, thuhet në raport.
Ka pasur 919 incidente vandalizmi në vitin 2019.
"Suastikat, të cilat në përgjithësi interpretohen si simbole të urrejtjes antisemitike, kanë qenë të pranishme në 746 prej këtyre incidenteve", tregon raporti.
Aktet antisemitike të vandalizmit janë rritur me 19 për qind nga 774 në vitin 2018.
Gjithsej 61 raste sulmesh fizike, të cilat u kryen duke përdorur armë ose thika, duke involvuar 95 viktima dhe përfshirë pesë viktima. Sulmet antisemitike shënuan rritje në 56 për qind nga 39 për qind sa ishte në vitin 2018.
"Ky ishte një vit me veprimtari të paprecedent antisemitike, një kohë kur shumë komunitete hebreje në të gjithë vendin kanë pasur ballafaqime të drejtpërdrejta me urrejtjen", tha drejtori i ADL-së, Jonathan Greenblatt.
New Yorku është shteti me numrin më të madh të incidenteve, në 430, pasuar nga New Jersey me 345, Kalifornia me 330, Massachusetts me 114 dhe Pennsylvania me 109.
Sipas ADL , Alaska dhe Hawaii janë përjashtime, ku nuk u raportua asnjë incident.
