Irak, shpërthen një automjet-bombë në provincën Basra

Të paktën shtatë civilë u vranë në një shpërthim të një automjeti-bombë në provincën Basra, raporton Anadolu Agency (AA).

Shpërthimi ndodhi në afërsi të një spitali në qendër të qytetit, tha një zyrtar i sigurisë në kushte anonimiteti për shkak të kufizimeve për prononcim në media.

Asnjë grup nuk ka marrë përgjegjësinë për sulmin.

Provinca e Basrës, e pasur me naftë, është relativisht e qetë në krahasim me pjesën veriore dhe perëndimore të Irakut, ku DEASH akoma mban njësi të fshehura.