"Pas protestave, Iraku nuk do të jetë si më parë"

Kleriku i njohur shiit në Irak, Ali al-Sistani, u bëri thirrje autoriteteve irakiane të miratojnë reforma gjithëpërfshirëse në përgjigje të protestave vdekjeprurëse që shpërthyen në fillim të tetorit, raporton Anadolu Agency (AA).

"Ajo që vjen pas këtyre protestave nuk do të jetë e njëjtë si më parë dhe duhet të jenë të vetëdijshëm për këtë", tha Sistani gjatë namazit të xhumasë në qytetin Qerbela.

"Nëse ata që janë në pushtet mendojnë se mund të shmangin zbatimin e reformave të vërteta duke ngecur dhe zvarritur, ata janë zhgënjyes", tha Sistani.

Ai po ashtu paralajmëroi kundër ndërhyrjeve të huaja gjatë protestave të vazhdueshme në Irak.

Që nga fillimi i tetorit, Iraku është përfshirë nga protestat masive popullore kundër politikave të qeverisë, ku sipas protestuesve, autoritetet nuk arritën t'i adresojnë kushtet e dobëta të jetës së irakianëve dhe nuk arritën t'i japin fund korrupsionit.

Sipas Komisionit të Lartë të Irakut për të Drejtat e Njeriut, të paktën 325 irakianë e kanë humbur jetën dhe rreth 15.000 janë plagosur që nga fillimi i protestave më 1 tetor.