Pentagoni: Këshilli i Rakës do të ketë pushtetin në qytet

ANKARA (AA) - Një këshill i përbërë nga banorë të cilët jetojnë në qytetin e Rakas dhe përreth tij, do të ketë pushtetin në këtë qytet sirian pasi të çlirohet nga DEASH-i, njoftoi Pentagoni të mërkurën, raporton Anadolu Agency (AA).

Zëdhënësi i koalicionit të udhëhequr nga Shtetet e Bashkuara të Amerikës (SHBA), John Dorrian, në një konferencë për mediat në Bagdad tha se Këshilli i Rakas do të sigurojë nevojat esenciale për banorët, por theksoi se nuk është i sigurt nëse Forcat Demokratike Siriane (FDS) do të marrin pjesë në Këshill.

Aktualisht në Raka ka rreth 3.000 deri 4.000 luftëtarë të DEASH-it, duke përfshirë edhe luftëtarë të huaj dhe figura të ndryshme drejtuese, ndërkohë që në rajon ka rreth 50.000 anëtarë të FDS-së, tha Dorrian.