Presidenti Macron dëshiron ta përfshijë abortin në kushtetutë

Presidenti francez, Emmanuel Macron, deklaroi se dëshiron që aborti të përfshihet në kushtetutë, transmeton Anadolu.

Sipas lajmit në shtypin francez, Macron ka bërë deklarata me rastin e 8 Marsit, Ditën Ndërkombëtare të Gruas.

Duke argumentuar se aborti duhet të jetë një e drejtë kushtetuese, presidenti i Francës deklaroi se muajin e ardhshëm do të prezantohet kuadri ligjor i nevojshëm.

Macron tha se ishte në favor të përfshirjes së abortit në kushtetutë përmes parlamentit, në vend të një referendumi.

Në Francë, gratë mund të bëjnë abort ligjërisht deri në javën e 14-të të shtatzënisë.