Rrëzohet një helikopter ushtarak në Tunizi, humbin jetën 3 ushtarë

Të paktën 3 ushtarë humbën jetën kur një helikopter ushtarak u rrëzua në provincën Gabes në juglindje të Tunizisë, njoftuan mediat lokale të martën, transmeton Anadolu Agency (AA).

Zëdhënësi i Ministrisë tuniziane të Mbrojtjes, Mohamed Zekri, njoftoi vdekjen e ushtarëve për shkak të rrëzimit të helikopterit në qarkun El Hamma, njoftoi agjencia shtetërore e lajmeve TAP.

"Një ekip teknik ushtarak është dërguar në vendngjarje për të përcaktuar shkakun e rrëzimit", shtoi Zekri.