"Honor" bëhet marka më e shitur e smartfonëve në Kinë

Honor, një prodhues global i pajisjeve inteligjente, është bërë marka më e shitur e smartfonëve në Kinë me produktet e saj inovative kohët e fundit, transmeton Anadolu Agency (AA).

Sipas deklaratës së Honor, sipas të dhënave nga kompania e kërkimit të tregut CINNO Research, Honor tejkaloi konkurrentët e saj në mars 2022 dhe u rendit në vendin e parë.

Sipas hulumtimit të lartpërmendur, Honor, i cili arriti të kalojë konkurrentin më të afërt me 100 mijë njësi, rriti shitjet e smartfonëve me 143.6 për qind krahasuar me të njëjtin muaj të një viti më parë. Kompania u rendit e dyta në mesin e tre prodhuesve kryesorë të smartfonëve në Kinë në tremujorin e parë të 2022.

Duke e nisur fuqishëm vitin 2022, duke synuar të sjellë më shumë produkte në tregjet globale dhe duke dyfishuar shitjet e saj në mbarë botën, kompania tregoi gjithashtu se po përparon në përputhje me objektivin e saj me këtë sukses në shitje.

Më shumë produkte në tregjet globale

Sipas deklaratës, Honor do të fokusohet në tregjet kryesore ndërkombëtare për të mbajtur një rritje të qëndrueshme përballë sfidave të industrisë, siç është çështja globale e furnizimit me çipa. Duke prezantuar Honor 50 për përdoruesit në 49 vende, kompania planifikon të sjellë më shumë produkte në tregjet anembanë botës këtë vit, përfshirë serinë Magic Honor në smartphone, serinë Honor N dhe serinë Honor X në modelet kompjuterike.

Më shumë se gjysma e më shumë se 11 mijë fuqisë punëtore të Honor është personel R&D dhe kjo fuqi punëtore jep një kontribut të rëndësishëm në rritjen teknologjike të kompanisë. Honor ka mbi 100 laboratorë inovacioni përveç gjashtë qendrave të R&D, një në Francë dhe një në Japoni.