NBA, Boston Celtics shënon fitoren e pestë me radhë

Liga Amerikane e Basketbollit (NBA) vazhdoi me 6 ndeshje ndërsa Boston Celtics shënoi fitoren e pestë radhazi pasi mposhti Minnesota Timberwolves me rezultatin 107-105, raporton Anadolu.

Celtics, i cili ndodhet në raundin e dytë të Konferencës Lindore, e priti Timberwolves-in, ndërkaq shënoi fitoren e 14-të të sezonit, me 29 pikë dhe 4 asiste të Jaylen Brown, 26 pikë dhe 8 kërcime të Jayson Tatum si dhe 19 pikë dhe 9 kërcime të Derrick White.

Nga Timberwolves, Anthony Edwards shënoi 28 pikë, 9 kërcime, 7 asiste, Julius Randle 23 pikë, 6 kërcime dhe Rudy Gobert 10 pikë, 20 kërcime; performancë kjo e cila nuk arriti të parandalojë humbjen e tetë për ekipin e tyre këtë sezon.

- Cavaliers arrin fitoren e 17-të

Lideri i Konferencës Lindore, Cleveland Cavaliers, arriti fitoren e 17-të në 18 ndeshje këtë sezon, pasi në shtëpi e fitoi ndaj Toronto Raptors me rezultatin 122-108.

Ty Jerome shënoi 26 pikë, 6 asiste dhe Donovan Mitchel 26 pikë, 4 kërcime në Cavaliers.

Në Raptors, nga ana e tjetër, me humbjen e 13-të të sezonit, Gradey Dick dhe Scottie Barnes shënuan nga 18 pikë.

- Rezultatet

Boston Celtics - Minnesota Timberwolves: 107-105

Indiana Pacers - Washington Wizards: 115-103

Philadelphia 76ers - Los Angeles Clippers: 99-125

Miami Heat - Dallas Mavericks: 123-118 (në minutat shtesë)

Cleveland Cavaliers - Toronto Raptors: 122-108

Sacramento Kings - Brooklyn Nets: 103-108