Komanda e ushtrisë turke zotohet për demokraci

ANKARA (AA) – Shtabi i Përgjithshëm i ushtrisë turke është zotuar në përkushtimin e saj për demokracinë duke përgënjeshtuar raportet se është formuar një mekanizëm tjetër kierarkik brenda ushtrisë, raporton Anadolu Agency (AA).

Në një deklaratë të lëshuar, ushtria nënvizon se demokracia është përkushtimi i saj i vetëm, dhe se mekanizmat e saj ligjor dhe administrativ janë aktive brenda Forcave të Armatosura të Turqisë.

Deklarata u bë si kundërpërgjigje e pohimeve në disa media kundër të cilave ushtria ka ngritur padi penale.

"Është jashtë mendjes që të bëjmë formacione ilegale jashtë kierarkisë komanduese”, thuhet në deklaratë.

Armata tha se është duke luftuar terrorizmin e brendshëm dhe të jashtëm në përputhje me detyrat të cilat dalin nga kushtetuta dhe ligjet në lidhje me sigurinë e vendit dhe shtetasve të tij, ndërsa për komentet nëpër disa media tha se janë dekurajuese për moralin e ushtarëve, që është njëra nga shtyllat e ushtrisë.