DYAyê di Konseya Ewlekariya NYê de Îran sûcdar kir

NETEWEYÊN YEKBÛYÎ

Nûnera Daîmî ya DYAyê ya Neteweyên Yekbûyî (NY) Nikki Haleyê di Konseya Ewlehiyê ya Neteweyên Yekbûyî de Îran sûcdar kir û îdia kir ku li pişt hemû gefên ser ewlehî û aşîtiya Rojhilata Navîn Îran heye.

Haleya ku di civîna "Di Konseya Ewlekariya NYê de Filistîn û Rojhilata Navîn" de li ser Îranê û peymana nukleerê axivî, Îran bi zimanekî tund rexne kir. Haleyê Îran bi sûcê li herêmê dibe sedema teror û kaosê tawanbar kir.

- Rûsyayê li DYAyê rexne girt

Nûnerê Daîmî yê Rûsyayê yê NYyê Vassily Nebenzia bal kişand ser axaftina Haleyê û got ku di rûniştina Konseya Ewlekariya NYê de mijar Filistîn e lê Haley bi tu awayî der heqê pirsgirêka Filistînê de neaxivî.

Nebenzia got ku di mijara Filistînê de tu pêşveçûn çênebû, em ji ber vê yekê xemgîn in û em piştgiriyê didin hewlên herêmî yên ji bo çareserkirina pirsgirêka Îsraîl-Filistînê.