19 Sibat 2018•Rojanekirin: 20 Sibat 2018
ANKARA
Wezîrê Karên Derva yê Îranê Cevad Zerîf diyar kir ku Amerîka ji bo ku li Sûriyeyê hin noqteyan dagir bike, hewl dide ku hin komên kêmnetewe yên li wî welatî ji xwe ra wekî "hêza bejayê" biemilîne.
Li gorî nûçeya ajansa nîvfermî ya Îranê Mehrê, Zerîf ji bo ku beşdarî konferansa li Kluba Nîqaşê Valday bibe, çû Moskoyê û li vir geşedanên dawîn ên li Sûriyeyê nirxandin.
Wezîrê Karên Derva yê Îranê Zerîf hebûna Amerîkayê ya li Sûriyeyê wekî "pir xeternak e" pênase kir û got ku polîtîkaya ku rêveberiya Washingtonê li Sûriyeyê dimeşîne, ji hizr û pîvanan dûr e.
Zerîf herwiha bal kişand ser PYD/PKKê û got ku Amerîka ji bo ku li Sûriyeyê hin noqteyan dagir bike, hewl dide ku hin komên kêmnetewe yên li wî welatî ji xwe ra wekî hêza bejayê biemilîne.
Wezîrê Îranê der barê helwesta navborî ya Amerîkayê da wiha got, "Ev rewş wê li ser bîra mêjûyî ya gelê Sûriyeyê bandorên dûdirêj bike ku ev yek jî li nava welat dibe ku bibe sedemê rageşiyan."
