Li Qeredaxê di êrîşên çekdarî da 12 kes hatin kuştin

Hat ragihandin ku li bajarê Cetînjeyê ya li başûrê Qeredaxê hejmara kesên ku di êrîşên çekdarî da hatin kuştin wek 12 hat eşkerekirin û êrîşkarê 45 salî jî xwe kuşt.

Midûrê Ewlehiyê yê Qeredaxê Lazer Scepanovîc di civîna çapemeniyê da diyar kir ku di êrîşên çekdarî yên li Bajîceya li ser Cetînjeyê yên ku ji hêla êrîşkar Aco Martinovic va hatin kirin da 12 kes hatin kuştin.

Scepanovîc daxuyand ku wan cihê êrîşkar tespît kiriye û wiha dewam kir: "Polêsan dora wî girt, lê êrîşkar gule berda serê xwe û xwe kuşt. Êrîşkarê ku giran birîndar bû xistin ambulansê da ku bibin nexweşxaneyê, lê ew di rê da mir. Hê ne diyar e ku çima êrîş kiriye. Kesên ku kuştî heval û eqrebayên wî ne."

Dozger Andrijana Nastic jî daxuyand ku êrîşkar li 5 cihên cuda êrîş kiriye.