Li Şerîe, Quds û Xezzeyê 45 Filistînî birîndar bûn

REMELLAH

Di 5emîn roja protestoyên biryara Serokê Amerîkayê Donald Trump de li Şerîeya Rojava, Quds û Xezzeyê 45 xwepêşandêrên Filistînî birîndar bûn.

Li gor daxuyaniya nivîskî ya Heyva Sora Filistînê di encama mudaxeleya Îsraîlê de li Şerîeya Rojava, Quds û Xezzeyê 45 xwepêşandêrên Filistînî birîndar bûn.

Di daxuyaniyê de hat diyarkirin ku di mudaxeleya Îsraîlê de fîşekên plastîk û yên heqîqî hatin bikaranîn û li Xezzeyê 9, Quds û Şerîeya Rojava jî 36 kes hatin birîndarkirin.

Herwiha ji ber xaza biasît jî li Şerîe û Qudsê 60, li Xezzeyê jî 19 kes rastî xetera fetisînê hatin.

Ji destpêka xwepêşandanan heta niha bi sedan Filistînî birîndar bûn.