Îranê sûcdariyên li ser êrîşa roketan a li Hewlêrê red kir

Berdevkê Wezareta Karên Derva ya Îranê Seîd Hatîbzade bertek nîşan da ku êrîşên roketan ên Hewlêra bajarê Iraqê bi Îranê ra têkildar dikin û êrîş weke "gumanbar" pênase kir.

Daxuyaniya Hatîbzade di malpera Wezareta Karên Derva da hat weşandin, di daxuyaniyê da hat gotin ku ew ewlehî û îstiqrara Iraqê pir girîng dibînin.

Hatîbzade destnîşan kir, ew li dijî her gavên ku pergal û hizûra Iraqê xerab dikin sekinîne û wiha dewam kir, "Em hewildanên ku êrîşê (li dijî Hewlêrê) bi Îranê ra têkildar dikin, şermezar dikin û îdiayên bi vî rengî red dikin."

Hatîbzade êrîşên roketê weke "gumanbar" pênase kir û ji hikûmeta Iraqê xwest ku bûyerê lêkolîn bike û ji bo girtina kiryaran gavan bavêje.

- Li Hewlêrê êrîşên roketê

Li gor agahiya ku ji çavkaniyên ewlehiyê yên Amerîkayî hat hildan, 14 roket avêtibûn Balafirgeha Navneteweyî ya Hewlêrê ku eskerên Amerîkayê lê bi cih bûne û bajêr.

Di êrîşa ser balafirgeha Hewlêrê da personelekî bipeyman hat kuştin, 3 jê sivil 5 personelên bipeyman û eskerekî Amerîkayê jî birîndar bûbûn.

Grûbeke bi navê "Saraya Ewliya ed-Dam" ku di çalakiyên li Iraqê da berî niha navê wê nehatibû bihîstin, êrîş hildabû ser xwe.

Piştî bûyerê hin dezgehên çapemeniyê yên herêmî û navneteweyî îdia kiribûn ku tiliya Îranê û grûbên nêzî Îranê di êrîşê da heye.