Li Wan, Mûş, Hekarî û Bidlîsê rêya 167 cî û waran girtiye

Li Wan, Mûş, Hekarî û Bidlîsê ji ber şert û mercûn hewayê rêya 167 cî û waran hat girtin.

Li gor daxuyaniya Şaredariya Bajarê Mezin a Wanê ji ber berf û pûkê li tevahiya bajêr rêya 133 cî û waran hat girtin.

Ekîbên têkoşîna dijî berfê bi 230 makîneyên kar ji bo vekirina rêyên girtî xebatên xwe didomînin.

- Hekarî

Li gor agahiyên ji Îdareya Taybet a Bajêr hatin hildan ji ber şert û mercên hewaya nebaş li tevahiya bajêr rêya 3 gund û mezrayekê hat girtin.

Ekîbên têkoşîna dijî berfê ji bo vekirin rêyên girtî xebatên xwe didomînin.

Şeftiya Şaxa 114emîn a Rêbejan jî li rêya Hekarî-Çukurcayê li cihên ku şepe lê ket xebatên firehkirina rê didomînin.

- Mûş û Bidlîs

Li Mûşê li tevahiya bajêr piştî barîna berfê rêya 12 gundan hat girtin.

Sekreterê Giştî yê Îdareya Taybet a Bajêr Şeyhmus Yentur got ku li rêya 56 cî û waran ji ber berfê hatine girtin.

Yentur got ku ekîb li sehayê bi şev û roj dixebitin û da zanîn ku dê di demeke kurt da rêyên girtî vekin.

Li Bidlîsê jî ji ber berf û pûkê rêya 18 cî û waran girtî ye. Xebatên ekîbên Îdareya Taybet a Bajêr dewam dikin.