ANKARA
Serokomar Erdogan: "Ew kesên ku dibêjin bila (Serokomar, ew bi xwe li gor rêzik û rêgezên zagona bingehîn tevbigere), haya wan kesan ji naveroka zagona bingehîn tuneye. Haya wan ji meqamê ku li wir in tuneye. Divê ew pêşiyê navnîşana xwe fêr bibin. Hê bi navnîşana xwe nizanin."
Serokomar Recep Tayyîp Erdogan piştî merasima bi minasebeta dayîna madalyeya rûmetê ya dewletê ya ji bo Orgeneral Necdet Ozelê Serokê Serkaniyê hat kirin, li Kulliyeya Serokomariyê resepsiyon da.
Di resepsiyonê de Serokomar Erdogan pirsên rojnamegeran bersivandin. Erdogan got ku ew serê hikûmetê nîne û Serokwezîr Ahmet Davutoglu îşaret kir got: "Ez serê hikûmetê nînim. Ez niha wek serê komarê tevdigerim. Di zagona bingehîn de wezîfeya min, hatiye eşkerekirin. Wezîfeya min çi bû, heta îro ez di çarçoveya rê û rêgezên wê de tevgeriyam. Ji vir û pê ve jî ez ê wiha tevbigerim û ez ê destûrê nedim ku spekulasyonan bikin."
Serokomar Erdogan bi bîr xist ku wî wezîfeya damezrandina hikûmetê daye Serokwezîr Davutoglu, ew jî xebatên xwe yên di vê mijarê de didomîne û wiha dewam kir:
"Niha min ji bo damezrandina hikûmetê berpirsiyarî da Birêz Serokwezîr. Ew xebatên xwe didomîne. Him hevdîtinên ku bi heyetên partiya mixalefetê ya sereke re hatin kirin hene him jî duh Birêz Serokwezîr hevdîtin kir. Bi qasî ku me ji ser kanalên televîzyonê şopand dê roja pêncşem an jî înê cardin bên bal hev. Hêviya min ew e ku bi xêr be. Li aliyê din jî hevdîtinên ku bi Partiya Tevgera Neteweperwer re hatin kirin hene. Nizanim, lê dibe ku Birêz Serokwezîr di vê navê de bi wan re hevdîtinekê bike an jî dê bike. Ev kar, niha ne di bin berpirsiyariya min de ne."
-"Erka min tune ku ez maweyê dirêj bikim"
Rojnamegerek bi bîr xist ku maweya ji bo damezrandina hikûmetê hatibû diyarkirin di 23 tebaxê de diqede û ji Serokomar pirsî got "Heke di hevdîtinên koalîsyonê de, mizakere di nav 45 rojan de temam nebin, gelo pêkan e ku hûn maweyê dirêj bikin?" Erdogan pirsa rojnameger wiha bersivand, "Erka min a dirêjkirina maweyê tune. Divê ev gav di nav 45 rojan de bên avêtin. Lê ez ê pêvajoya krolonojîk çawa binirxînim... Bila bersiva wê niha ji min re be.
Ew kesên ku dibêjin bila (Serokomar, ew bi xwe li gor rêzik û rêgezên zagona bingehîn tevbigere), haya wan kesan ji naveroka zagona bingehîn tuneye. Haya wan ji meqamê ku li wir in tuneye. Divê ew pêşiyê navnîşana xwe fêr bibin. Hê bi navnîşana xwe nizanin."
Serokomar Erdogan got: "Heke hewce bike helbet ez ê bi serokê xwe yê meclisê bişêwirim, pê re hevdîtinan bikim. Herwiha niha ez jî bi wan re hevdîtinan dikim, dê hevdîtinan bikim jî. Çima gelo? Teqez, divê welat bê hikûmet nemîne, bê serî nemîne."
Erdogan pirsa "Gelo hûn hilbijartina berwext dixwazin?" wiha bersivand "Dibe ku hemû kes li gor xwe nirxandinekê bike. Berê jî digotin lê terbiya me misade nake em bibêjin. Yê ku ziman di dev de hema diaxife."
