Serokomar Erdogan li Ummanê bi merasima fermî hat pêşwazîkirin

Serokomar Recep Tayyîp Erdoganê ku ji bo hevdîtinên fermî hat Maskata paytextê Ummanê, li vir ji hêla Siltanê Ummanê Heysem Bîn Tariq va bi merasimeke fermî hat pêşwazîkirin.

Dema Serokomar Erdogan bi rê ket ku here Qesra El Alam, siwarên siltan û bandoya eskerî ya siwaran jî li gel wesayîta wî çûn.

Çaxê ku Erdogan ket Qesra El Alamê, 21 top hatin teqandin.

Serokomar Erdogan dema ji wesayîta xwe peya bû Siltanê Ummanê Heysem Bîn Tariq pêşwaziya wî kir.

Piştî ku Erdogan û Heysem Bîn Tariq di qada merasîmê da cihên xwe girtin, sirûdên neteweyî yên her du welatan hatin lêxistin.

Piştî danasîna heyetên her du welatan, Serokomar Erdogan û Heysem Bîn Tariq civiyan.

Di merasima pêşwazîkirinê da Wezîrê Karên Derva Hakan Fîdan, Wezîrê Vejen û Çavkaniyên Siruştî Alparslan Bayraktar, Wezîrê Xezîne û Darayiyê Mehmet Şîmşek, Wezîrê Parastina Neteweyî Yaşar Guler, Wezîrê Pîşesazî û Teknolojiyê Mehmet Fatîh Kacir, Wezîrê Bazirganiyê Omer Bolat, Alîkarê Serokê Giştî yê AK Partiyê û Berdevkê Partiyê Omer Çelîk, Alîkarê Serokê Giştî yê AK Partiyê û Serokê Polîtîkayên Tenduristiyê Halît Yerebakan, Cîgirseroka Koma AK Partiyê Ozlem Zengîn, Serokê Teşkîlata Îstixbaratê ya Neteweyî (MÎT) Îbrahîm Kalin, Serokê Ragihandinê ya Serokomariyê Burhanettîn Duran, Midûrê Qelema Taybet ê Serokomariyê Hasan Dogan, Serokê Pîşesaziya Parastinê ya Serokomariyê Haluk Gorgun û Serşêwirmendê Serokomar ê Polîtîkaya Derva û Ewlehiyê Akîf Çagatay Kiliç jî cî girtin.