Xezala birîndar hildan parastinê

HATAY

Li Kirikxana navçeya Hatayê karxezala birîndar a ji cureya "gazella gazella"yê ya şivanan li nêzî sînorê Sûriyeyê dîtibû hildan bin parastinê.

Karxezala birîndar a şivanan li herêma sînor a Kale Tepeya gundê Kirikxanê dîtibû, anîn Îstasyona Zêdekirina Xezalan a Hatayê.

Cureya xezalên "gazella gazella"yê di xetereyê da hindik maye ku koka wan biqele. Rayedaran derman dan karxezalê û hildan parastinê.

Huseyîn Dînlerê wezîfedarê Îstasyonê di daxuyaniya xwe da diyar kir ku dema karxezal anîn rewşa wê baş nebû û wiha pê da çû: "Di lingê karxezalê da birîn hebûn me demildest midaxele kir. Nika rewşa karxezalê baş e. Çend roj şûn da ew ê bide lotikan û wekî karên din bilîze."

Dînler got ku piştî birînên karxezalê pak bibin ew ê berî hewşa tebiî ya li herêma îstasyonê bidin.