ANKARA
Serokê Lijneya Birêvebirinê û Midurê Giştî yê Anadolu Agencyê (AA) Kemal Ozturk bi hinceta ku di çarçoveya lêpirsîna "Artêşa Qudsê ya Tewhîd Selamê" de hat guhdarkirin, ji hemû wezîfedarên edlî û îdarî yên ku bi mijarê re têkildar in gilîdar bû.
Daxwaznameya giliyê ji bo ku ji Serdozgeriya Komarê ya Stenbolê re bê şandin, dan Serdozgeriya Komarê ya Enqereyê. Di lêpirsîna "Artêşa Qudsê ya Tewhîd Selamê" de ji bo 242 kesan binçavkirin tê xwestin. Di nav van kesan de navê burokratên payebilind, rojnameger û navê Kemal Ozturk jî heye.
Di daxwaznameyê de tê gotin ku Ozturk bi teqîbkirina teknîkî bi awayekî derhiqûqî hatiye teqîbkirin, bê isûlî hatiye guhdarkirin û bi sûcên derew hatiye sûcdarkirin. Ji ber vê çendê jî li gor Zagona Cezayê ya Tirkan mafê Ozturk hat binpêkirin. Ozturk ji bo vê guhdarkirina derhiqûqî ji hemû wezîfedarên edlî û îdarî yên ku bi mijarê re têkildar in gilîdar bû û xwest ku der heqê wan de doz bê vekirin.
Ji aliyê din ve di çarçoveya îdiayên ku santralên Anadolu Agencyê jî hatin guhdarkirin de li ser navê şirketê jî gilî hat kirin.
