Serokomar Erdogan çû Pakistanê

Serokomarê Tirkiyeyê Recep Tayyîp Erdogan li Balafirgeha Esenbogayê ji aliyê Alîkarê Serokomar Fuat Oktay, Waliyê Enqereyê Vasîp Şahîn û Şaredarê Bajarê Mezin a Enqereyê Mansur Yavaş va hat oxirkirin.

Emîne Erdogana jina Erdogan, Wezîrê Karên Derva Mevlut Çavuşoglu, Wezîrê Vejen û Çavkaniyên Siruştî Fatîh Donmez, Wezîrê Xezîne û Darayiyê Berat Albayrak, Wezîra Bazirganiyê Ruhsar Pekcan, Wezîrê Gîhandin û Binesaziyê Mehmet Cahît Turhan, Serokê Ragihandinê Fahrettîn Altun û Berdevkê Serokomariyê Îbrahîm Kalin jî bi Erdogan ra çûn Îslamabadê.

Serokomar Erdogan wê di çarçoveya ziyareta xwe ya Pakistanê da beşdarî Civîna 6an a Konseya Hevkariya Stratejîk a Payebilind a Tirkiye-Pakistanê bibe, paşê beşdarî Foruma Kar a Tirkiye-Pakistanê bibe.

Serokomar Erdogan wê bi Serokomarê Pakistanê Arif Alwî ra were ba hev û li Meclisa Neteweyî ya Pakistanê û Senatoyê biaxive.