Îdamên li Erebistana Siûdî

RIYAD

Erebistana Siûdî Ayetullah Nemr Baqir en-Nemrê şiî û 46 kes îdam kirin. Îranê li ser van îdaman daxuyanî dan. Erebistana Siûdî jî ragihand ku ew daxuyaniyên Îranê bi tundî şermezar dikin û ev daxuyanî nayên qebûlkirin.

Li gor nûçeya ajansa nûçeyan a fermî SPAyê ku çavkaniya nûçeyê rayedarekî Wezareta Karên Derva ya Erebistana Siûdî ye, Erebistanê daxuyaniyên Îranê yên li ser îdamkirinê bi tundî şermezar kir û got ku ev nayên qebûlkirin û wiha hat gotin:

"Daxuyaniyên ku Îranê li ser terorîstên hatin îdamkirin da, nîşan da ku Îran piştgiriyê dide terorê, rûyê Îranê yê rastîn derxist holê. Îran bi polîtîkayên xwe va xerabkirina ewlehî û îstiqrara welatên herêmê dixe hedef, piştgiriyê dide kiryarên terorê, wan meşrû dike û bi vî rengî dibe şirîkê kiryarên terorîstan. Her wiha Îran bi siyaseta xwe va dubendiyê çêdike û kaosê zêde dike. Ew ji vê siyaseta xwe jî berpirsiyar e."

- "Îran, welatekî ku piştgiriyê dide terorê ye"

Rayedar diyar kir, ji ber ku rejima Îranê welatekî piştgiriyê dide terorê ye, zû bi zû nikare welatên din "bi piştgirîdayîna terorê" va sûcdar bike, Neteweyên Yekbûyî (NY) û welatên din Îran bi çendîn caran Îran şermezar kirin.

Rayedar got ku, rejima Îranê li herêmê rasterast tevî karên navxweyî yên Iraq, Lubnan û Yêmenê dibe, bi Mihafizên Şoreşê va jî tevlî karên navxweyî yê Sûriyeyê dibe.

Erebistana Siûdî daxuyandibû ku Ayetullah Nemr Bakir en-Nemrê şiî û 46 kesên ku welatiyên Siûdî ne îdam kirin.

Wezareta Karên Derva ya Îranê jî bertek nîşanî îdaman dabû.