on behalf of Anatolia and Rumelia Defence of Rights Association Representative Council;
MUSTAFA KEMAL ATATÜRK
*From AA's Foundation Circular
سەردار كاراگۆز لە ٢٥ی ئایاری ١٩٨١دا لە شاری ساكاریا لە دایكبووە. قۆناغەكانی خوێندنی بنەڕەتی، ناوەندی و ئامادەیی لە ئیستانبوڵ تەواوكردووە و بەشی زانستی سیاسییەکانی لە زانكۆی بیلگی هەر لە ئیستانبوڵ خوێندووە. لە هەمان زانكۆ پلەی ماستەری لە یاسای مافەكانی مرۆڤ بە دەستهێناوە.
سەردار كاراگۆز لە ساڵی ٢٠٠٨دا، وەك كاندیدی بەڕێوەبەر بەشداریكردووە لە گرووپی میدیای توركواز و لە ماوەیەكی دیاریكراودا لە هەموو بەشەكانی گرووپەكەدا ئەركی وەرگرتووە.
سەردار كاراگۆز لە ساڵی ٢٠١٠دا، دەستی بە خوێندنی ماستەر كردووە لە بەشی كارەكانی میدیادا لە زانكۆی نیو سكوڵ لە ئەمریكا و دوای تەواوكردنی ماستەر لە بەشی سەندیكای نیویۆرك تایمز دەستی بەكار كردووە و پاشان لەنێوان ساڵانی ٢٠١٢-٢٠١٤دا، وەك پەیامنێری دیپلۆماسیی نەتەوە یەكگرتووەكان كاری بۆ تەلەڤیزیۆنی ئا هەبەر كردووە و لە دوای ساڵێك بووەتە گۆشەنووسی هەفتانەی رۆژنامەی سەباح لەبارەی رۆژەڤی ئەمریكا.
لە لایەكی دیكەشەوە هەر لەسەر رۆژەڤی ئەمریكا لە ماڵپەڕی usabah.com كاری كردووە.
سەردار كاراگۆز دوابەدوای گەڕانەوەی بۆ توركیا، وەك بەڕێوبەری هەواڵە دەرەكییەكانی رۆژنامەی سەباح كاری كردووە، لەم قۆناغەدا دەستیشی بە ئامادەكاری بۆ دامەزراندنی رۆژنامەی "Daily Sabah" كردووە و لە مانگی شوباتی ٢٠١٤دا، بووەتە بەڕێوبەری پەخشی ناوەندی سەرەكی رۆژنامەی "Daily Sabah".
سەردار كاراگۆز لە تشرینی یەكەمی ٢٠١٨دا، چووەتە تۆڕی میدیایی " TRT" و بووەتە بەڕێوبەری پەخشی گشتیی كەناڵە نێودەوڵەتییەكانی هەواڵیی "TRT". لەو ماوەیەدا بەشەكانی عەرەبی، ئەڵمانی، رووسی و زمانەكانی ناوچەی بەلقانی بۆ "TRT" زیادكردووە و گرنگییەكی زۆری هەبووە لە سەركەوتنی كەناڵەكە لەسەر ئاستی نێودەوڵەتی.
سەردار كاراگۆز لە حەوتی نیسانی ٢٠٢١ەوە تا ئێستا، وەك بەڕێوبەری گشتیی و سەرۆكی دەستەی بەڕێوەبردنی ئاژانسی ئانادۆڵو كار دەكات.