سبەی سەرۆکوەزیرانی عێراق سەردانی تورکیا دەکات

ئەنقەرە- AA

بڕیارە سبەی سەرۆکوەزیرانی عێراق، مستەفا کازمی سەردانی تورکیا بکات.

بەگوێرەی راگەیەندراوێکی فەرمانگەی پەیوەندییەکان لە سەرۆکایەتی کۆماری تورکیا، سەردانەکەی کازمی لەسەر بانگێشتی سەرکۆمار، رەجەب تەیب ئەردۆغان-ە و بڕیارە لە میانی چەند کۆبوونەوەیەکدا، پەیوەندییەکانی نێوان هەردوو وڵات، بەرەنگاربوونەوەی تیرۆر، دووبارە بنیاتنانەوەی عێراق و هەماهەنگییەکانی نێوان تورکیا و عێراق بەتایبەت لە رووی بازرگانی و وزەوە تاوتوێ بکرێن.

هەروەها لە کۆبوونەوەکاندا لە بارەی پرسە ناوچەیی و نێودەوڵەتییەکان ئاڵوگۆڕی بیروڕا دەکرێت.