سبەی سەرکۆماری تورکیا سەردانی ئۆکرانیا دەکات

ئەنقەرە - AA

سبەی سەرکۆماری تورکیا، رەجەب تەیب ئەردۆغان لەسەر بانگهێشتی سەرۆکی ئۆکراینا، ڤلۆدۆیمیر زێلێنسكی سەردانی کیێڤ دەکات بەبۆنەی دەیەمین کۆبوونەوەی ئەنجوومەنی باڵای ستراتیجیی نێوان تورکیا و ئۆکراینا.

بەپێی راگەیەندراوێکی فەرمانگەی پەیوەندییەکان لە سەرۆکایەتی کۆماری تورکیا، رەجەب تەیب ئەردۆغان لەسەر بانگهێشتی ڤلۆدۆیمیر زێلێنسكی بەبۆنەی دەیەمین کۆبوونەوەی ئەنجوومەنی باڵای ستراتیجیی تورکیا-ئۆکراینا، سبەی سەردانێکی فەرمی بۆ ئەو وڵاتە ئەنجام دەدات.

لەو کۆبوونەوانەی کە لە چوارچێوەی کۆبوونەوەی ئەنجوومەنەکە بە بەشداری وەزیرانی پەیوەندیدار لە کیێڤ ساز دەکرێت، چاودەخشێنرێتەوە بە سەرجەم رەهەندەکانی پەیوەندیی تورکیا-ئۆکراینا لەسەر ئاستی ستراتیجیی هاوبەش، هەروەها قوڵترکردنەوەی هاریکاریی نێوان هەردوو وڵات تاوتوێ دەکرێت.

لە کۆبوونەوەکاندا جگە لە پەیوەندییە دووقۆڵییەکان، بیروڕا ئاڵوگۆڕ دەکرێت لەبارەی بابەتە هەرێمیی و نێودەوڵەتییەکان.

بەبۆنەی کۆبوونەوەی ئەنجوومەنەکە، واژووکردنی رێککەوتننامە و یاداشتی جۆرا و جۆری لێکتێگەیشتن لە بەرنامەی کاردا دەبن کە هاوکاری گرنگن لە بنیادی پەیوەندییە دووقۆڵییەکاندا.