سەرماسۆڵە و بەفربارین لە رۆژهەڵاتی ئانادۆڵو کاریگەر بوو

ئەرزەڕۆم - AA

شەپۆلێکی سەرماوسۆڵە و بەفربارین رووی کردووەتە پارێزگاکانی ئەرزەڕۆم، قەرس و ئەردەخان.

دوای ئەوەی لە کاتژمێرەکانی سەرلەبەیانی لە ئەرزەڕۆم بەفربارین دەستی پێ کرد، پارک و باخچەکانی شارەکەی سپیپۆش کرد.

بەشێک لە هاووڵاتییان بەفری کەڵەکەبووی سەر ئۆتۆمبێل و بەردەم شوێنکارەکانیان پاککردەوە.

پلەکانی گەرما لە شارەکە بۆ خوار دوو پلەی ژێر سفری سەدی دابەزین و و رێگاکانیش بەستیان.

لە ناوەندی خلیسکێنەی پالاندۆکەن ئەستووری بەفر گەیشتە ١٧ سانتیمەتر.

- قەرس

بەفربارین لە قەرس کە بەشێوەیەکی پچڕپچڕ بەردەوام بوو لە ناوچە شاخاوییەکاندا کاریگەر بوو.

لەکاتێکدا بەهۆی کاریگەری تەم و مژەوە مەودای بینین کەمبووەوە لە شارەکەدا، گەڵای درەخت و رووەکەکان بە زوقم داپۆشران.

بەهۆی کاریگەریی سەرماوسۆڵەوە لە قەزای ساریکامیش گەڵای درەخت و رووەکەکان سپییان پۆشی و بەشێک لە چەمەکان بە سەهۆڵ داپۆشران.

یەکێک لە دانیشتووانی قەزاکە بەناوی سولەیمان کۆچ رایگەیاند، بەفرەکە بەشێوەیەکی پچڕپچڕ کاریگەری خۆی نیشانداوە و گوتی: "لێرەدا زستان تۆزێک درەنگ دەستی پێ کرد. بەفربارین بەردەوامە. هیوادارم وەرزێکی بەرهەمدارمان هەبێت".

- ئەردەخان

لە لایەکی دیکەوە بەشێک لە ناوچە بەرزەکانی ئەردەخان بە تەم و مژ داپۆشراوە و بەفربارین کە بۆ ماوەیەکی کورت بەردەوام بوو شارەکەی سپیپۆش کرد.