هەوڵەکان بۆ کوژاندنەوەی ئاگرەکەی مێرسین بەردەوامن

مێرسین - AA

لە زەوی و ئاسمانەوە هەوڵی کۆنتڕۆڵ کردنی ئاگرەکەی شارۆچکەی ئایدینجیک-ی پارێزگای مێرسین دەدرێت.

ئاگرەکە دوێنێ بە هۆکارێکی نەزاندراو لە دارستانێکی شارۆچکەکەدا کەوتەوە و تیمەکانی ئاگرکوژێنەوە هەتا بەیانی ئەمڕۆ لە هەوڵدابوون ئاگرەکە لەڕێی زەمینییەوە کۆنتڕۆڵ بکەن بەڵام بەهۆی هەبوونی بایەکی بەهێزەوە نەیانتوانی کۆنتڕۆڵی ئاگرەکە بکەن و لە پارێزگاکانی دەوروبەریشەوە تیمی ئاگرکوژێنەوە بۆ هاوکاری کردن چوونە ئایدینجیک.

لە سەرلەبەیانی ئەمڕۆشەوە کۆپتەر و فڕۆکەی ئاگرکوژێنەوە دەستیان بە کوژاندنەوەی ئاگرەکە کرد بەڵام تا ئێستا نەتواندراوە ئاگرەکە کۆنتڕۆڵ بکرێت.

بۆ لە نزیکەوە ئاگاداربوون لە رەوشەکە، وەزیری کشتوکاڵ و دارستانی تورکیا، بەکر پاکدەمیرلی بە کۆپتەر سەردانی شوێنی رووداوەکەی کرد و دەربارەی هەوڵەکانی تیمەکانی ئاگرکوژێنەوەش زانیاری لە بەڕێوبەری گشتی دارستان، بەکر کاراجابەی، وەرگرت.