کاریگەری سەرماوسۆڵە لە رۆژهەڵاتی ئانادۆڵو

ئەرزەڕۆم - AA

لە پارێزگاکانی ئەرزەڕۆم، قەرس، تونجەلی، ئاگری و ئەردەخان رۆژهەڵاتی ئانادۆڵو، سەرماوسۆڵە بەردەوامە.

شەوی رابردوو، نزمترین پلەکانی گەرما لە ناوچەکە بەم شێوەیە بوو: لە ئەردەخان ١٠ پلە ژێر سفری سەدی، ئەرزەڕۆم شەش پلە ژێر سفری سەدی، ئاگری پێنج پلە ژێر سفری سەدی، ئیدر یەک پلە ژێر سفری سەدی و قەرس و ئەرزینجان سفر پلەی سەدی بوو.

لە پارێزگای ئەرزەڕۆم کاتەکانی بەیانی بەفر و باران ناوچەکەی گرتەوە.

- ئاگری

بەهۆی ئەو سەرماوسۆڵەیەی پارێزگای ئاگری گرتووەتەوە، بەفر باری و شەقام و رێگاوبانەکان بە بەفر داپۆشران.

دوای بەفر بارینەکە لە قەزای ئەلەشکیرت دووکاندارەکان بەردەم دووکانەکانیان پاککردەوە.

- ئەردەخان

لە پارێزگای ئەردەخان کاتەکانی شەو سەرماوسۆڵە کاریگەر بوو.

بەهۆی ئەو شەپۆلی سەرمایەی ناوچەکەی گرتەوە، سەهۆڵبەندان روویدا.

هاوکات لە ناوچە بەرزەکانی پارێزگاکە، بەفربارین بەردەوامە.

- تونجەلی

لە قەزاکانی ئۆڤاجیک و پولومور لە تونجەلی، بەهۆی کاریگەری سەرماوسۆڵەوە درەخت و رووەکەکان زوقمیان گرت.

هاوکات بەهۆی سەرماوە لەو قەزایانەدا، جۆگەلەکان بەستوویانە و هاووڵاتییان بەهۆی بەستنی رێگاوبانەکانەوە دووچاری سەختی بوون لە هاتوچۆکردندا.

- قەرس

لە پارێزگای قەرس، بەهۆی سەرماوە سەهۆڵبەندان لە شەقام و رێگاوبان و پلیکانەکان دروست بوو.

تیمەکانی شارەوانی قەرس، دەستیان کردووە بە راماڵینی بەفر و پاککردنەوەی شەقام و رێگاوبانەکان.