Selen Temizer
16 کانوونی یەکەم 2021•نوێکردنەوە: 16 کانوونی یەکەم 2021
بڕۆكسل - AA
سهرۆكوهزیرانی ئۆكراینا، ڤلۆدۆیمیر زێلێنسكی رایگەیاند كه پێویسته یهكێتیی ئهورووپا بهبێ چاوهڕوانی كردنی ئهگهری هێرشی رووسیا بۆسهر خاكی ئۆكراینا، سزا بهسهر ئهو وڵاتهدا بسهپێنێت.
ڤلۆدۆیمیر زێلێنسكی له پاش لووتكهی یهكێتیی ئهورووپا-هاوبهشی خۆرههڵات كه له بڕۆكسل بهڕێوهچوو، بۆ رۆژنامهنووسان دوا.
سهرۆكوهزیرانی ئۆكراینا باسی لهوه كرد كه ئامادهی دانوستانه لهگهڵ رووسیا له پێناو كهمكردنهوهی گرژییهكان، ئهوهشی خستهڕوو كه تا ئێستا سهرۆكی رووسیا، ڤلادیمیر پوتین نایهوێت بێته سهر مێزی گفتوگۆ.
گوتیشی: "به لای ئێمهوه گرنگه سزاكان پێش پێكدادان بسهپێندرێت نهك دوای دروستبوونی پێكدادان، چونكه ئهگهر سزاكان دوای دروستبوونی پێكدادان بسهپێندرێت ئهوای بێ مانا دهبن".
سهرۆكوهزیرانی ئۆكرانیا راشیگهیاند "جهنگێكمان ههیه كه ههشت ساڵه بهردهوامه. تێدهگهین لهوهی كه ئهگهر سزاكان پێش دهستپێكی پێكدادانهكان بسهپێندرێت دهبێته ئهگهری میكانیزمی رێگرتن له ههڵكشانی گرژییهكان".
بهرپرسانی یهكێتیی ئهورووپا نیگهرانی دهردهبڕن له چڕبوونهوهی هێزی سهربازیی رووسیا له نزیك سنووری ئۆكراینا له مانگی رابردووهوه تا ئیستا و ناو به ناو باس لهوه دهكهن كه ئهگهری دووباری هێرشكردنهوه بۆسهر ئۆكراینا دهرهنجامی جددی دهبێت.
ڤلۆدۆیمیر زێلێنسكی كه بهمهبهستی بهشداریكردن له لووتكهكهدا له بڕۆكسله، سبهی لهگهڵ سكرتێری گشتیی ناتۆ، یانس ستۆڵتنبێرگ كۆدهبێتهوه.
