لە ویلایەتی كالیفۆرنیای ئەمریكا دوو لە بەشداربووانی تۆڕی كۆمەڵایەتیی فەیسبوك بە تۆمەتی ئەوەی كۆمپانیای فەیسبوك بەشی پەیامی تایبەتی تەواوی بەشداربووانی كالیفۆرنیای بۆ بەرژەوەندیی خۆی بەكارھێناوە، دوای ئەوەی ئەو رووداوە خەڵكی كالیفۆرنیای بێزاركرد، دوو بەشداربووی تۆڕەكە سكاڵای گشتییان لە دادگا تۆماركرد.
بەپێی زانیارییەكان كۆمپانیای فەیسبووك پەیامی تایبەتیی بۆ رێكلامی چەندین كۆمپانیا و كاری بازرگانی بەكارھێناوە، كە ئەوە بەپێی بەندەكانی یاسا پێشێلكارییە.
ماتیو كامبڵ و میخایل ھارلێی كە دوو بەشداربووی تۆڕی كۆمەڵایەتیی فەیسبوكن و ھەستاون بە تۆماركردنی سكاڵا گشتییەكە، ئەو كارە بە پێشێلكاریی دەزانن و لە سكاڵانامەكەدا داوایانكردووە كۆمپانیای فەیسبوك دەبێ بۆ ھەر پێشێلكارییەك بڕی ١٠ ھەزار دۆلار بداتە هەرووكیان.
گوتەبێژی فەیسبوك ئەوەی بە تۆمەتباركردنێكی نابەجێ وەسفكرد و گوتی كە متمانەیان بەخۆیانە و دەتوانن نادروستی ئەو سكاڵایە بۆ دادگا بسەلمێنن.
