سەرۆکی پێشووی لیژنەی ئاسایشی نیشتیمانی کازاخستان دەستبەسەر کرا

نوورسوڵتان - AA

سەرۆکی پێشووی لیژنەی ئاسایشی نیشتیمانی کازاخستان، کەریم ماسیمۆڤ بە گومانی ناپاکی کردن لە دەوڵەت دەستبەسەر کرا.

لەو بارەیەشەوە لیژنەی ئاسایشی نیشتیمانی کازاخستان راگەیەندراوێکی بڵاوکردەوە و تیایدا ئەوەی خستووەتەڕوو کە لیژنەکە لە شەشی کانوونی دووەمدا بەپێی ماددەی تایبەت بە ناپاکی کردن لە دەوڵەت، لێکۆڵینەوەی دەستپێکردوە و بە گومانی ئەنجامدانی ناپاکی ماسیمۆڤ، دەستبەسەر کراوە.

لە ئێستاشدا ناوبراو لەگەڵ چەند تۆمەتبارێکی دیکەدا لە زیندانێکی کاتیدا دەستبەسەرن.

جێی وەبیرهێنانەوەیە کەریم ماسیمۆڤ لە ساڵی ٢٠١٦دا بووەتە سەرۆکی لیژنەی ئاسایشی نیشتیمانی کازاخستان و دوای دەستپێکی خۆپیشاندانەکانی ئەو وڵاتە بە بڕیاری سەرکۆماری کازاخستان، قاسم جۆمەرت تۆکایێڤ لە پۆستەکەی دوور خرایەوە.