مەسرور بارزانی: "سەرکۆنەی کوشتنی ئیسماعیل هەنییە دەکەم"

هەولێر - AA

سەرۆکوەزیرانی هەرێمی کوردستان-عێراق سەرکۆنەی تیرۆرکردنی سەرۆکی مەکتەبی سیاسی بزووتنەوەی حەماس ئیسماعیل هەنییە دەکات و ڕادەگەیەنێت، "هەر هەوڵێک بۆ تێکدانی سەقامگیریی ناوچەکە سەرکۆنە دەکەم".

مەسرور بارزانی لە پەیامێکدا کە لە تۆڕی کۆمەڵایەتی X بڵاوی کردووەتەوە، ڕایگەیاندووە، "سەرکۆنەی کوشتنی ئیسماعیل هەنییە و هەر هەوڵێکی ئیستفزازی بۆ تێکدانی سەقامگیریی ناوچەکە دەکەم".

لە پەیامەکەی مەسرور بارزانیدا هاتووە: "داوا لە هەموو لایەنەکان دەکەم گرژییەکانی ئەم دواییە کەم بکەنەوە و گفتوگۆی جددی بکەن بۆ گەڕاندنەوەی ئارامی و سەقامگیریی ناوچەکە".

سەرۆکوەزیرانی هەرێمی کوردستان ڕاشیگەیاندووە، "ناوچەکە بەرگەی گرژی و دۆخی نادڵنیایی زیاتر ناگرێت".