مەی، ماکرۆن و مێرکڵ تاوتوێی پرسی رووسیایان کرد

لەندەن - AA

سەرۆکوەزیرانی بەریتانیا، تێرێزا مەی لەبارەی لێکۆڵینەوەکان لەمەڕ ژەھراویکردنی سیخور، سێرگی سکریپاڵ زانیاری بە سەرکۆماری فەڕەنسا ئیمانوێل ماکرۆن و راوێژکاری ئەڵمانیا ئەنگێلا مێرکڵ دا.

بەپێی راگەیەنراوێکی نووسینگەی سەرۆکوەزیرانی بەریتانیا، لە پەراوێزی لووتکەی سەرکردەکانی یەکێتی ئەورووپا لە برۆکسل، مەی لەبارەی لێکۆڵینەوەکان لەمەڕ ژەھراویکردنی سیخور، سێرگی سکریپاڵ زانیاری بە ماکرۆن و مێرکڵ دا.

مەی بە ھاوتاکانی گوت کە ئەو ماددە کیمیاییەی سکریپاڵی پێ ژەھراوی کرا، لە لایەن شارەزایانەوە پشکنین بۆ کرا و دەرکەوتووە کە لە لایەن رووسیاوە دروست کراوە.

ھەر لە راگەیەنراوەکەدا ئاماژە بەوە کراوە کە بەریتانیا، فەڕەنسا و ئەڵمانیا کۆکن لەسەر ئەوەی رووسیا بە بەرپرسیاری رووداوەکە دابنرێت.

ھاوکات سەرکردەکان جەختی لەسەر گرنگی پەیامێکی ھاوبەش و بەھێز بەرامبەر بە کردارەکانی رووسیا کردەوە و بڕیاریشیان دا لە رۆژانی داھاتوودا لە نزیکەوە لەسەر ئەو پرسە کار بکەن.