پەیوەندیی تەلەفۆنیی مایك پێنس و عادل عەبدولمەهدی

واشنتۆن - AA

جێگری سەرۆكی ئەمریكا، مایك پێنس و سەرۆكوەزیرانی عێراق، عادل عەبدولمەهدی تاوتوێی هاوبەشییە ستراتیجییەكانی نێوان هەردوو وڵاتیان كردووە.

كۆشكی سپی راگەیەندراوێكی لەبارەی پەیوەندییە تەلەفۆنییەكەی پێنس و عەبدولمەهدی بڵاوكردەوە.

لە دەقی راگەیەندراوەكەدا هاتووە، "هەردوو سەركردە، تاوتوێی بەرەوپێشبردنی هاوبەشییە ستراتیجییەكانی نێوان هەردوو وڵاتیان كردووە، لەوانە بەرزکردنەوەی ئاستی تواناکانی هێزە ئەمنییەكانی عێراق و گەشەی ئابووریی ئەو وڵاتە".

راگەیەندراوەكە ئاماژەی بەوە داوە كە پێنس باسی لە رێككەوتنی بازرگانیی نێوان عێراق و ئوردن كردووە و خۆشحاڵیی لەوبارەوە نیشانداوە.

راشگەیەندراوە كە عەبدولمەهدی پێشهاتەكانی لەبارەی داعشەوە بە پێنس راگەیاندووە.