یونیسێف: "لە غەززە یەک ملیۆن کەس شوێنی ئارامیان نییە ڕووی تێبکەن"

ئیستانبوڵ - AA

سندوقی منداڵان سەربە نەتەوە یەکگرتووەکان (Unicef) ئاماژەی بەوە کرد کە لە کەرتی غەززەی ژێر گەمارۆ و هێرشی ئیسرائیلدا یەک ملیۆن کەس شوێنی ئارامیان نییە ڕووی تێبکەن.

لە هەژماری تۆڕی کۆمەڵایەتیی ئێکسی یونیسێفدا، ڕاگەیەندراوێک سەبارەت بە بابەتەکە بڵاوکرایەوە.

لە ڕاگەیەندراوەکەدا هاتووە: "دیمەنەکانی غەززە تۆقێنەرن. ژمارەیەکی زۆر منداڵ لەناو قوربانيیەکاندان، یەک ملیۆن کەس شوێنی ئارامیان نییە ڕووی تێبکەن. ئەمە جێگەی قبوڵ نییە ودەبێت دەستبەجێ توندوتیژی ڕابگیرێت".