موقتەدا سەدر: "رزگاربوون لە گەندەڵکاران رۆژی نیشتمانیی راستەقینەی عێراقە"

ھەولێر ــ AA

سەرکردەی رەوتی سەدر، موقتەدا سەدر رایگەیاند کە رزگاربوون لە گەندەڵکاران، رۆژی نیشتمانیی راستەقینەی عێراقە.

موقتەدا سەدر تویتێکی لەبارەی رۆژی نیشتمانیی عێراق بڵاوکردەوە و تیایدا ئەوەی نووسیووە "ئەمڕۆ، رۆژی نیشتمانیی عێراقە، بۆیە عێراق بە ئازادی، سەربەخۆ و بەھێز ژیاوە".

سەرکردەی رەوتی سەدر، موقتەدا سەدر راشیگەیاندووە. رۆژی نیشتمانیی راستەقینەی عێراق، ئەو رۆژەیە کە عێراق لە گەندەڵی، گەندەڵکاران رزگار دەکرێت و چاکسازی راستەقینە، بەبێ پاشکۆیەتی، پشکپشکێنە، تاقیکراوەکان و دەستوەردانی دەرەکیی و میلیشیاکان تیایدا ئەنجام دەدرێت.

موقتەدا سەدر ھەروەھا نووسیوویەتی "بەڵکو دەوڵەتێکی بەختەوەر نە رۆژھەڵاتیی و نە رۆژئاوایی بێت کە رووناکییەکەی بۆ گەل بدرەوشێتەوە".

رۆژی سێی تشرینی یەکەمی ھەموو ساڵێک لە عێراق، بە رۆژی نیشتمانیی ناسێندراوە و لەسەرتاسەری ئەو وڵاتە کراوە بە پشووی فەرمیی.