نێچیرڤان بارزانی و مستەفا کازمی کۆبوونەوە

هه‌ولێر - AA

سەرۆکایەتی ھەرێمی کوردستان راگەیەندراوێکی بڵاوکردووەتەوە و تیایدا ئاماژەی بە ناوەرۆکی کۆبوونەوەی نێوان سەرۆکی ھەرێمی کوردستان. نێچیرڤان بارزانی و سەرۆکوەزیرانی عێراق، مستەفا کازمی کردووە.

لە راگەیەندراوەکەی سەرۆکایەتی ھەرێمی کوردستاندا تیشکخراوەتە سەر ئەوەی کە ھەردوولا جەختیان لەوە کردووەتەوە کە پێویستە رێز لە سەروەری عێراق بگیرێت و عێراق نەکرێتە گۆڕەپانی یەکلاییکردنەوەی کێشەکان.

سه‌رۆكی هه‌رێمی كوردستان، نێچیرڤان بارزانی و سه‌رۆكوه‌زیرانی عێراق، مستەفا کازمی دوایین پێشھاتەکانی پرۆسەی سیاسیی عێراق و ھەوڵەکانی حکوومەتی ‏فیدراڵیی عێراق و ھەرێمی کوردستان بۆ لێکنزیککردنەوەی لایەنە سیاسییەکان و ‏پاراستنی ئاشتیی ناوخۆیییان تاوتوێ کرد و داکۆکییان لەوە کردەوە کە گفتوگۆ تاکە ‏رێگایە بۆ گەیشتن بە چارەسەری کێشەکان.‏

ئەوەشخراوەتەڕوو کە ھەردوولا جەختیان کردووەتەوە کە خوێن و گیانی ھاووڵاتییان و پاراستنی ‏خۆپیشاندەران لە ھەموو عێراق، ھەروەھا پاراستنی ماڵ و سامانی تایبەت و گشتی، ‏خواست و ئامانجی ھاوبەشن و ھەمووان دەبێت ھاوکاریی ھێزە ئەمنییەکان بكه‌ن بۆ ‏جێبەجێکردنی ئەرکەکانیان و پاراستنی ئاسایش و سەقامگیریی وڵات.‏

ھەردوولا جەختیان کردووەتەوە کە پێویستە رێز ‏لە سەروەریی عێراق بگیرێت و رەتیانکردووەتەوە کە عێراق بکرێتە گۆڕەپانی ‏یەکلاکردنەوەی ناکۆکییە ھەرێمییەکان، ھەردوولا دووپاتیشیان کردووەتەوە کە عێراق و ‏ھەرێمی کوردستان پابەندن بە پەیوەندیی دۆستانە لەگەڵ وڵاتانی دراوسێ ‏بەوەی خاکی عێراق نەبێتە سەرچاوەی ھەڕەشە بۆ ئەو وڵاتانە.

به‌یانی ئه‌مڕۆ دووشه‌ممه‌، سەرۆکوەزیرانی عێراق، مستەفا کازمی بە مەبەستی بەشداریکردن لە رێوڕەسمی پێنجەمین ساڵیادی کۆچی دوایی سەرکۆماری پێشووتری عێراق و سکرتێری گشتیی یەکێتیی نیشتمانیی کوردستان، جەلال تاڵەبانی گه‌یشته‌ هه‌ولێر.