کەرکووک.. گولـلەبارانکردنی دوو کەس لە لایەن داعشەوە

کەرکووک ــ AA

رێکخراوی تیرۆریستی داعش دوو کەس کە یەکێکیان چەکداری حەشدی ھۆزەکانە لە دوو گوندی باشووری شاری کەرکووک رفاند و دواتر گولـلەبارانی کردن.

گوتەبێژی پۆلیسی کەرکووک، عەمید ئەفراسیاب کامل لە لێدوانێکدا بۆ ئاژانسی ئانادۆڵو راگەیاند کە ھاووڵاتییەکی مەدەنی لە گوندی سیلمانی لە لایەن ژمارەیەک تیرۆریستی داعشەوە رفێندراوە و دواتر گولـلەباران کراوە.

ئەفراسیاب کامل باسی لەوەشکرد کە بە ھەمان شێوە ژمارەیەک تیرۆریستی دیکەی داعش، چەکدارێکی حەشدی ھۆزەکانیان لە گوندی سەباح سەربە ناحیەی ریاز رفاند و دواتر گولـلەبارانیان کردووە.