ئۆپەراسیۆنی حەشدی شەعبی لە زنجیرە چیاکانی حەمرین باکووری عێراق

ھەولێر ــ AA

ھێزەکانی حەشدی شەعبی ئۆپەراسیۆنێکی پشکنینیان لە زنجیرە چیاکانی حەمرین دەست پێ کرد.

میدیا عێراقییەکان پشت بەستن بە راگەیەندراوێکی دەستەی راگەیاندنی حەشدی شەعبی بڵاویان کردەوە کە ھێزەکانی حەشدی شەعبی لە پێنج میحوەرەوە، ئۆپەراسیۆنێکی پشکنینیان لە زنجیرە چیاکانی حەمرین دەست پێ کردووە.

لە راگەیەندراوەکەدا زانیاری زیاتر لەوبارەیەوە نەخراوەتەڕوو.

سەرەڕای ئەوەی ھێزە عێراقییەکان داعشیان لە ناوچەکان شکست پێ ھێناوە، بەڵام شانە نووستووەکانی رێکخراوەکە تا ئێستا بەردەوامن لەسەر پەلامارەکانیان بەتایبەت لە ناوچەکانی سەربە پارێزگاکانی نەینەوا، کەرکووک، دیالە، سەڵاحەددین و ئەنبار.