بەڕێوەبەری مەرزی پەروێزخان دوورخرایەوە

فەرمانی لابردنی ھەریەک لە بەڕێوەبەری مەرزی نێودەوڵەتیی پەروێزخان و بەڕێوەبەری گومرکی گەرمیان لە پۆستەکانیان دەرچوو.

ئەمڕۆ سێی تشرینی دووەمی ٢٠٢١، وەزیری دارایی و ئابووریی حكوومەتی هەرێمی کوردستان، ئاوات شێخ جەناب فەرمانی لابردنی هەریەکە لە بەڕێوبەری دەروازەی پەروێزخان، عەلی تۆفیق و بەڕێوەبەری گومرکی گەرمیان، حوسێن ئەحمەد-ی لە کارەکانیان واژوو کرد.

بەپێی زانیارییەکان لەلایەکی ترەوە و هەر ئەمڕۆش بەڕێوەبەری بنکەی ئاسایشی دەروازەی پەروێزخان لە کارەکەی دوورخراوەتەوە.