حەشارگەیەکی تیرۆریستانی داعش لە باکووری عێراق خاپوورکرا

ھەولێر ــ AA

شانەی رایگەیاندنی ئەمنی سەربە نووسینگەی راگەیاندنی سەرۆکوزیرانی عێراق خاپوورکردنی حەشارگەیەکی تیرۆریستانی داعشی لە پارێزگای کەرکووک باکووری ئەو وڵاتە راگەیاند.

شانەی راگەیاندنی لە راگەیەندراوێکدا ئاماژەی بەوەداوە، پشت بەستن بە زانیارییە ھەواڵگرییەکان، فڕۆکە جەنگییەکانی "F-16"ی عێراق، حەشارگەیەک لە سنووری ناحیەی پردێ باکووری پارێزگای کەرکووک کە ژمارەیەک تیرۆریستی داعش خۆیان تیایدا حەشاردابوو، بۆردومان کردووە.

راشیگەیاندووە کە لە ئاکامی بۆردومانەکەدا، حەشارگەکە خاپوورکراوە.

باسی لەوەش کردووە کە لە ماوەکانی داهاتوودا، وردەکاری زیاتر لەو بارەیەوە رادەگەیەنێت.