درۆنێکی بۆمبڕێژکراو لە نزیک گوندی شێراوە ڕۆژئاوای هەولێر خرایە خوارەوە

هەولێر - AA

دژە تیرۆری هەرێمی کوردستان-عێراق، تێکشکاندنی درۆنێکی بۆمبڕێژکراوی لە نزیک گوندی شێراوەی سەر بە قەزای قوشتەپە لە سنووری پارێزگای هەولێر ڕاگەیاند.

لە ڕاگەیاندراوەکەی دژە تیرۆردا هاتووە، "ئەمڕۆ چوارشەممە ١٨ی حوزەیرانی ٢٠٢٥، کاتژمێر ١٨:٤٣ خوولەک، لە نزیک گوندی شێراوە درۆنێکی بۆمبڕێژکراو تێکشکێندرا و خرایە خوارەوە".

دژە تیرۆر ڕاشیگەیاندووە کە، درۆنەکە هیچ زیانێکی ماددی و گیانیی لێ نەکەوتووەتەوە.

ئەمە لە کاتێکدایە کە ئێوارەی دوێنێ دوو دڕۆنی دیکە لە قەزای شەمامکی سنووری پارێزگای هەولێر کەوتنە خوارەوە.