دووەم رۆژی قەدەغەکردنی ھاتوچۆ لە ھەولێر

ھەولێر - AA

لە چوارچێوەی رێکارەکانی رووبەڕووبوونەوەی ڤایرۆسی کۆرۆنا، وەزارەتی ناوخۆی ھەرێمی کوردستان قەدەغەکردنی ھاتوچۆی لە ھەریەک لە شارەکانی ھەولێر و سلێمانی راگەیاندووە و ھاووڵاتییان پابەندی رێنماییەکانن.

لە کاتژمێر ١٢ی شەوی هەینی لەسەر شەممە قەدەغەکردنی ھاتوچۆ راگەیەندراوە و سەرجەم رێگاکان داخراون و خەڵک لە ماڵەکانیان نەھاتوونەتەدەر.

قەدەغەکردنی ھاتوچۆ بۆ ماوەی ٤٨ کاتژمێر راگەیەندراوە و سەرجەم ھێزە ئەمنی و تەندروستییەکان لە حاڵەتی ئامادەباشیدان و جموجۆڵ لە سەنتەری شارەکان بە ھەموو شێوەیەک وەستاوە، ئەم رێکارە رۆژنامەنووسان و ئاڵوگۆڕی بازرگانی ناگرێتەوە.