سێری ئا.. ناپۆلی بە ئەنجامی ٢-١ لە لاتسیۆی بردەوە

ئیستانبوڵ - AA

لە میانی یارییەکانی خولی ئیتاڵیا تۆپی پێی (Serie A)دا، یانەی ناپۆلی رووبەڕووی یانەی لاتسیۆ بووەوە.

سەرەتاکانی یارییەکە و لە خولەکی چواردا، یاریزان ماتیا زاکاینی گۆڵی یەکەمی بۆ یانەی لاتسیۆ تۆمار کرد.

لە خولەکی ٣٨دا، یاریزان کیم مین جای گۆڵی یەکسانبوونەوەی بۆ ناپۆلی تۆمار کرد و نیوەی یەکەمی یارییەکە بە ئەنجامی ١-١ کۆتایی هات.

یاریزان خڤیچا کڤاراتسخێلیا لە خولەکی ٦١دا، گۆڵی دووەمی بۆ یانەی ناپۆلی تۆمار کرد و یارییەکە بە ئەنجامی ٢-١ کۆتایی هات.

بەم ئەنجامەش یانەی ناپۆلی ژمارەی خاڵەکانی بۆ ١١ خاڵ بەرز کردەوە و یانەی لاتسیۆش لە هەشت خاڵدا مایەوە.