بەرزاییەکانی سیواس بە بەفر سپی بوون

سیواس - AA

لە شارۆچکەکانی ئیمرالی و کۆیوڵهیسار سەربە پارێزگای سیواس، بەفر بەرزاییەکانی سپی کرد.

دوێنێ تاوەبارانێکی بەهێز رووی لەو دوو شارۆچکەیە کرد، بەڵام لە ناوچە بەرزەکاندا بووە بەفر.

لە گوندەکانی کاساپلار، کارالار و کاراپناری سەربە شارۆچکەی ئیمرالی، بەفر بەرزاییەکانی سپی کرد.

موختاری گوندی کاساپلار، گولئاغا توران لە لێدوانێکیدا باسی لەوە کرد کە لە مانگی ئایاردا لەگەڵ بارینی بەفرەکەدا، هەوا سارد بووە و لە شەواندا پلەکانی گەرما بۆ ژێر سفر دادەبەزن.

- کوێستانی ئەغریچیمەن بە بەفر داپۆشرا

لە شارۆچکەی کۆیوڵهیسار، کوێستانی ئەغریچیمەن بەتەواوی بەبەفر داپۆشراوە.

لە وەرزەکانی بەهار و هاویندا کەسانێکی زۆر سەردانی ئەم کوێستانە دەکەن، بەڵام ئێوارەی دوێنێ بەهۆی شەپۆلێکی بەفربارینەوە کوێستانەکە بە بەفر داپۆشرا و پلەکانی گەرماش بەشێوەیەکی بەرچاو دابەزین.