لە ئاگری رێگاکان بەڕووی هاتوچۆدا دەکرێنەوە

ئاگری - AA

تیمەکانی شارەوانی ئاگری بەردەوامن لە کردنەوەی رێگای گوند و کێڵگەکان.

لەم نێوەندەشدا دوای دوو رۆژ کارکردن توانیان رێگای گوندەکانی ئەسکیسو، ئاکتارلا، بەزیرهانە، ساریبیك و ئۆرمەلی بکەنەوە کە دەکەونە ناوچەیەکی شاخاوییەوە و نزیکەی دوو هەزار و 200 مەتر لە ئاستی رووی دەریاوە بەرزن.

ئێمرا ئاربای یەکێکە لە کارمەندانی تیمەکانی شارەوانی و لە لێدوانێکیدا بۆ ئاژانسی ئانادۆڵو رایگەیاند: "ماوەی شەش مانگە سەرقاڵی کردنەوەی رێگای گوند و ناوچە دوورەدەستەکانن".

ئاربای ئاماژەی بەوەشدا کە لە بەرزاییەکاندا ئەستوری بەفرەکە دەگاتە نزیکەی سێ مەتر، باسی لەوەش کرد کە بەهۆی کەڵەکەبوونی بەفر و دروستبوونی تەمەوە رێگای ناوچە شاخاوییەکان زووزوو دادەخرێن و تیمەکانی شارەوانیش بەردەوام سەرقاڵی کردنەوەی رێگاکانن. بەتایبەت بۆ ئەوەی لەکاتی رووداو و نەخۆشیدا تیمەکانی تەندروستی بەزوویی بگەنە گوندەکان و قوتابیانیش رێگای چوون بۆ قوتابخانەیان لێنەگیرێت، تیمەکان بەدرێژایی زستان لە کاردان.