Белград: Повторно судири на демонстрантите и полицијата

БЕЛГРАД

Демонстрантите собрани околу Собранието на Србија се судрија со полицијата, која фрлаше солзавец, а дел од граѓаните се и пред Радио-телевизија на Србија (РТС) каде запалија контејнер, јавува Агенција Анадолија (АА).

Собраните граѓани протестираат поради воведувањето на полицискиот час од петок до понеделник, поради коронавирусот (Ковид-19).

Демонстрантите и понатаму протестираат и кон припадниците на жандармеријата гаѓаа со камења, флаши, поради што полицијата фрли солзавец, кој на кратко ги отргна собраните, но тие се враќаат, и палат факели и можат да се слушнат навреди за претседателот на Србија Александар Вучиќ.

Меѓу собраните се и оние кои земаа штит од припадниците на жандармеријата.

Дел од граѓаните се и пред зградата на РТС каде запалија контејнер.

Претседателката на Владата на Србија Ана Брнабиќ реагираше, изјавувајќи за јавниот сервис дека државата и сите нејзини институции ќе го заштитат правниот поредок како што тоа се прави во секоја демократска уредена земја.