Во Северна Македонија, Албанија и Косово се клањаше првиот терави-намаз

СКОПЈЕ/ТИРАНА/ПРИШТИНА (АА) - Низ џамиите во балканските земји муслиманските верници го клањаа првиот терави-намаз по повод почетокот на месецот на постот Рамазан, јавува Анадолу.

Голем број верници во главните градови Скопје, Тирана и Приштина, но и во другите градови од регионот, се собраа во џамиите за терави-намаз.

Како и во сите други џамии во Северна Македонија, и Мустафа-пашината џамија во Скопје беше преполна од муслимански верници за терави-намазот.

Дел од верниците ја извршија молитвата во дворот на џамијата, откако внатрешноста беше исполнета.

И во соседна Албанија верниците ги извршија своите верски обреди, а во Тирана најпосетена џамија беше џамијата „Дине Хоџа“, каде што се собраа голем број верници.

Во Приштина, џамијата „Султан Мехмет Фатих“ беше централната џамија која ги собра повеќето муслимански верници.​​​​​​​

Терави-намазот се клања секоја вечер за време на месецот Рамазан.

Рамазан е деветтиот месец од хиџретскиот календар кој муслиманите го поминуваат во пост од рано наутро до зајдисонце, настојувајќи да стекнат Божјо задоволство, морално прочистување и духовна сила.