Бугарскиот Парламент ја одобри оставката на премиерот Денков

СОФИЈА (АА) - Бугарскиот парламент едногласно ја прифати вчерашната оставка поднесена од премиерот Николај Денков, пренесува Анадолу.

Собранието го изгласа барањето за оставка на премиерот Денков.

На гласањето во Парламентот учествуваа 216 пратеници, кои едногласно го прифатија барањето на Денков.

Според Уставот на Бугарија, Владата на Денков ќе продолжи да работи сѐ до формирањето нова влада и добивањето доверба од Парламентот.

Поради тековните внатрешни несогласувања во владејачката коалиција, новите коалициски преговори меѓу партијата Граѓани за европски развој на Бугарија (ГЕРБ) и алијансата Продолжуваме со промените - Демократска Бугарија (ПП-ДБ) ќе започнат на 8 март.

Доколку преговорите завршат успешно, се очекува претседателот Румен Радев мандатот за формирање кабинет да ѝ го даде на Марија Габриел, која ГЕРБ ќе ја предложи за премиерски кандидат.

Според договорот направен меѓу партијата ГЕРБ и алијансата ПП-ДБ, беше предвидено формирање влада со мандат од девет месеци.

Откако Денков од ПП-ДБ поднесе оставка по девет месеци на функцијата, се очекува, според ротацијата, Габриел од ГЕРБ да стане премиерка на Бугарија.