Во Северна Македонија бројот на лица со коронавирус се зголеми на три

СКОПЈЕ (АА) - Во Северна Македонија се потврдени два нови слчаи на коронавирус (Ковид-19), со што бројот на лица кај кои е потврден овој вирус во земјата се зголеми на три, потврди министерот за здравство Венко Филипче, јавува Агенција Анадолија (АА).

„Имаме два нови случаи со коронавирусот. Тоа се двајца сопружници од Дебар, на 62 и 68 годишна возраст кои во нашата земја кои стигнале од северна Италија, од Бреша на 27 минатиот месец. После влезот на границата, од автобусот патниците се симнувале во Куманово, во Скопје и во Дебар. Тогаш патниците немале никакви симтоми и за прв пат со сосема лесни симптоми се јавиле на 2 март на матичен лекар, кој ги пратил на домашно лекување за да денес се јават во болница до Дебар каде е поставена индикацијата, земени се брисеви и денеска беа направени тестовите", изјави министерот за здравство на Северна Македонија Венко Филипче.

Министерот Филипче додаде дека во соработка и интензивна комуникација со Министерството за внатрешни работи веќе се најдени имињата матичните броеви на сите патници на автобусот кој влегол во земјава на 27 февруари.

„Во овој момент се прави идентификација и од вечерва и од текот на утрешниот ден патниците по идентификувањето ќе бидат интервјуирани и согласно податоците кои ќе ги дадат согласно нивната здравствена состојба и анализа на контактите ќе бидат преземени потребните мерки за што ќе информираме утре", додаде Филипче.

Исто така, тој информираше дека пациентите вечерва ќе бидат пренесени со специјалниот транспорт во здравствениот дом во Скопје на Инфективна клиника каде дежурната екипа е спремна да ги пречека.

Потсетуваме, на 26 февруари во Северна Македонија е потврден првиот случај на коронавирус (Ковид-19) во Северна Македонија, а според соопштеното се работи за пациентка родена во 1970 година од Скопје која одредено време престојувала во Италија.

Според информациите од Министерството за здравство, нејзината состојба е стабилна.