Мустафа Шентоп се состана со претседателот на црногорскиот Парламент, Алекса Бечиќ

ПОДГОРИЦА

Претседателот на Големото народно собрание на Република Турција (ТБММ,) Мустафа Шентоп, со свечена церемонија на највисоки државни почести пречекан е пред Парламентот на Црна Гора од неговиот црногорски колега Алекса Бечиќ, јавува Агенција Анадолија (АА).

Шентоп вчера пристигна во официјална посета на Црна Гора, а денеска во црногорскиот Парламент се состана со неговиот колега Алекса Бечиќ, со кого одржа тет-а-тет средба, а потоа се состанаа и делегациите на парламентите на Турција и Црна Гора.

По средбата Шентоп и Бечиќ потпишаа Протокол за меѓупарламентарна соработка, а потоа Шентоп се потпиша во Книгата за впечатоци на црногорскиот Парламент.

По предвидените средби во црногорскиот Парламент, најавена е и заедничка прес-конференција на Шентоп и Бечиќ.

Во рамките на официјалната посета на Црна Гора, најавено е претседателот на турскиот Парламент да се состане со претседателот на Црна Гора, Мило Ѓукановиќ, со црногорскиот премиер Здравко Кривокапиќ, како и со претседателот на Исламската заедница на Црна Гора, Рифат Фејзиќ.​​​​​​​